Арганізацыяй выпуску беларускіх аблігацыяў у Расіі на суму каля 500 млн. даляраў у эквіваленце ў расійскіх рублях будзе займацца Ашчадбанк Расійскай Федэрацыі. Пра гэта дзясятага чэрвеня паведаміў кіраўнік міністэрства фінансаў Беларусі Андрэй Харкавец.
Акрамя таго, кіраўнік фінансавага ведамства паведаміў пра тое, што міністэрства фінансаў Беларусі «абсалютна гатовае» для дэбютнага выпуску еўрабондаў. Разам з гэтым, кіраўнік Мінфіна адзначыў, што ў сілу сітуацыі, якая склалася на сусветных фінансавых рынках, выходзіць на іх у цяперашні час складана, перадае ПРАЙМ-ТАСС.
«Гатовасць да выхаду на фінансавыя рынкі ў Беларусі прысутнічае абсалютная, — сказаў Андрэй Харкавец. — Мы знаходзімся ў стадыі маніторынгу сітуацыі на гэтых рынках — высновы пакуль не вельмі добрыя. Сітуацыя паказвае, што рынкі маюць высокую ступень валатыльнасць, таму выходзіць, а тым больш дэбютаваць на такіх рынках дастаткова складана».
«Мінфін Беларусі будзе працягваць назіраць за сітуацыяй», — запэўніў міністр фінансаў, дадаўшы, што як толькі сітуацыя на сусветных фінансавых рынках стане больш спрыяльнай, міністэрства ажыццявіць выпуск еўрабондаў.
