Па інфармацыі Рэспубліканскага гідраметцэнтра, у Беларусі ў выходныя дні захаваецца няўстойлівае, цёплае надвор'е з сярэднесуткавай тэмпературай паветра на 3-6 градусаў вышэй за кліматычную норму. "На большай частцы тэрыторыі краіны пройдуць кароткія дажджы, у асобных раёнах з навальніцамі", — расказалі сіноптыкі.
У суботу, 15 траўня, надвор’е ў Беларусі будуць вызначаць франтальныя раздзелы і цёплая, вільготная паветраная маса, якая паступае з Чорнага мора. Чакаюцца кароткачасовыя дажджы, у некаторых месцах з навальніцамі. Вецер паўднёва-усходні ўмераны, днём пры навальніцах парывітсы. Тэмпература паветра ўначы +10..+16°С, днём +18..+24°С, расказалі спецыялісты.
«У нядзелю, 16 траўня, уначы кароткачасовыя дажджы чакаюцца ў асобных раёнах краіны. Днём дажджы пройдуць на большай частцы тэрыторыі, па поўдні месцамі яны будуць моцныя. Дзе-нідзе прагрукочуць навальніцы. Вецер усходні, паўночна-усходні парывісты. Тэрмометры пакажуць уначы +9..+16°С, днём +16..+23°С», — перадае Белгідраметцэнтр.
Па дадзеных сіноптыкаў, у панядзелак, 17 траўня, дажджы прагназуюцца ў многіх раёнах краіны, месцамі яны будуць суправаджацца навальніцамі. Вецер пераменных кірункаў умераны, пры навальніцах парывісты. Тэмпература паветра ўначы +10..+17°С, днём +15..+22°С, па ўсходзе да +25°С.
Как вам новость?
Головоломки
Выбор читателей
