Беларусь не выходзіць з працэсу стварэння Мытнага саюза і выступае актыўным прыхільнікам інтэграцыі, а таксама працягвае рэалізацыю ўсіх тых дамоўленасцяў, якія былі дасягнуты на трохбаковым ўзроўні краін-удзельніц МС. Пра гэта трэцяга чэрвеня заявіў начальнік упраўлення інфармацыі — прэс-сакратар міністэрства замежных спраў Беларусі Андрэй Савіных, паведамілі ў МЗС.
«Беларуская пазіцыя па гэтым пытанні зразумелая і транспарэнтная, — падкрэсліў Андрэй Савіных. — У цяперашні час мы працуем над ўрэгуляваннем наяўных рознагалоссяў па вынятках і абмежаваннях з Мытнага кодэкса, якія яшчэ застаюцца паміж партнёрамі. Мы лічым, што гэтыя рознагалоссі — выняткі і абмежаванні з мытнага рэжыму — сур’ёзна лягчаюць сутнасць і тактычную каштоўнасць стваранага аб’яднання».
Па словах прадстаўніка знешнепалітычнага ведамства, беларускі бок лічыць, што дамоўленасці і пагадненні, якія былі зафіксаваныя Расіяй і Казахстанам у Санкт-Пецярбургу не супярэчаць і не перашкаджаюць трохбаковаму працэсу. «Мы перакананыя, што трохбаковы трэк павінен дынамічна развівацца і заклікаем ўсе бакі працягнуць працу па пошуку разумных і рацыянальных шляхоў ўрэгулявання», — дадаў прэс-сакратар МЗС.
Кажучы аб тым, ці плануе Беларусь падпісаць тыя дакументы, якія былі падпісаныя Расіяй і Казахстанам у Санкт-Пецярбургу, прадстаўнік міністэрства сказаў: «Перамоўны працэс ідзе. Беларускі бок падыходзіць да гэтага працэсу абсалютна адкрыта, зацікаўлена, з высокім узроўнем матывацыі развязаць усе наяўныя супярэчнасці. І мы будзем зыходзіць з таго, што гэты перамоўны працэс павінен скончыцца паспяхова».
