Лідара грамадзянскай кампаніі "Гавары праўду!" Уладзіміра Някляева, а таксама актывіста кампаніі Андрэя Дзмітрыева і рэдактара газеты "Таварыш" Сяргея Возняка адпусцілі з Ленінскага РУУС Мінска без прад'яўлення абвінавачанняў. Па словах Уладзіміра Някляева, кампанія "Гавары праўду!" будзе працягвацца.
«Калі ў нас на офісе канфіскавалі «жалеза», гэта не значыць, што мы спынім кампанію», — цытуе «Беларускі партызан» словы Уладзіміра Някляева. Аднак актывісты кампаніі ўсё яшчэ застаюцца ў статусе падазраваных.
Уладзімір Някляеў адзначыў таксама, што для яго не былі нечаканасцю апошнія дзеянні ўлад. Па словах лідара «Гавары праўду!», ён быў гатовы «да нечага падобнага і чакаў толькі, што адбудзецца ўсё пазней — пасля абвяшчэння пра ўдзел у прэзідэнцкіх выбарах».
У сваю чаргу, Сяргей Возняк паведаміў, што яго затрыманне, як ён мяркуе, адбылося пасля званку з друкарні. Рэдактар газеты «Таварыш» расказаў, што чатыры тыдні таму ён прыйшоў у адну з друкарняў Мінску, каб ацаніць магчымасць друку матэрыялаў кампаніі «Гавары праўду!», перадае БелаПАН. Сяргей Возняк мяркуе, што супрацоўнікі друкарні даклалі пра гэта ў праваахоўныя органы.
Як раней паведамляў Тэлеграф, 18 траўня прайшлі масавыя вобшукі ў прадстаўнікоў дэмакратычных сіл па ўсёй краіне. Таксама прайшлі ператрусы ў мінскім офісе кампаніі «Гавары праўду!» і на кватэрах яе актывістаў. Па неафіцыйнай інфармацыі, ператрусы звязаны з нейкай крымінальнай справай, якая, па звестках адных крыніц, узбуджана па факце паклёпу, а іншых — у сувязі з незаконным набыццём тэхнікі.
Как вам новость?
Головоломки
Выбор читателей
