Камітэт дзяржаўны бяспекі Беларусі прадставіў фотаробаты асобаў, падазраваных у здзяйсненні 11 красавіка тэракту ў Мінску на станцыі метро "Кастрычніцкая". Фотаробаты склаў Рэспубліканскі аператыўны штаб па расследаванні крымінальнай справы. Як паведаміў намеснік генпракурора Андрэй Швед, які ўзначальвае аператыўна-следчую групу, ужо 12 красавіка следства мела відэазапіс тэракту.
«Мы гатовыя былі ўчора абнародаваць не фотаробаты, а відэамалюнак выканаўцы, які быў атрыманы ў аўторак у першай палове дня. Але з тактычных меркаванняў было прынята рашэнне ўстрымацца ад дэманстрацыі відэазапісу камер назірання мінскага метрапалітэна і самога выканаўцы. Гэтая тактычны ход сябе апраўдаў і цяпер у нас ёсць вынік: фігуранты крымінальнай справы», — заявіў намеснік генпракурора, перадае «Камсамольская праўда ў Беларусі».
Між тым Андрэй Швед адмовіўся агучваць версіі матываў здзяйснення тэракту. «Пакуль следчая група не вызначала асноўныя версіі. З першапачатковых дадзеных, якія атрыманы сёння ноччу, ёсць іншая версія, але я яе пакуль агучваць не буду», — сказаў ён.