Прэзідэнт Літвы Даля Грыбаўскайце выступіла супраць увядзення Еўрапейскім саюзам эканамічных санкцый у дачыненні да Беларусі. "Я катэгарычна супраць санкцый супраць самой дзяржавы або супраць кампаній, якія прама ўздзейнічаюць на збор бюджэту беларускай дзяржавы", — заявіла літоўскі прэзідэнт.
Даля Грыбаўскайце лічыць, што санкцыі могуць моцна ўдарыць па паспалітых грамадзянах Беларусі. «У складанай эканамічнай сітуацыі, перажыванай Беларуссю, такія санкцыі былі б ударам ніжэй за пояс», — заявіла Даля Грыбаўскайце. Паводле яе слоў, Літва зацікаўлена ў стабільнасці суседняй Беларусі, перадае DELFI.
Як раней перадаваў Тэлеграф, Рада міністраў замежных спраў Еўрасаюза на пасяджэнні ў Бруселі 23 траўня пашырыла візавыя і эканамічныя санкцыі ў дачыненні да шэрагу афіцыйных асобаў Беларусі. На пашырэнне санкцый кіраўніцтва ЕС пайшло ў сувязі з прысудамі, вынесенымі прадстаўнікам палітычнай апазіцыі і грамадзянскай супольнасці за ўдзел у акцыі пратэсту 19 снежня.
У спіс неўязных у краіны ЕС унеслі яшчэ 13 прозвішчаў суддзяў і пракурораў, якія ўдзельнічаюць у працэсах над апазіцыяй, а таксама шэраг іншых чыноўнікаў.
Акрамя таго, Еўрасаюз рыхтуецца ўвесці новыя эканамічныя санкцыі ў дачыненні да Беларусі. Як паведаміла крыніца ў дыпламатычных колах Еўрасаюза, эканамічныя санкцыі могуць увесці ў дачыненні да кампаній канцэрна «Белнафтахім», кампаній «Трайпл», «Белтэхэкспарт» і «Беларуськалі».
