Усе ўстановы адукацыі Беларусі аб'яўлены зонамі, вольнымі ад курэння. Пра гэта паведаміла галоўны інспектарка ўпраўлення сацыяльнай і выхаваўчай працы міністэрства адукацыі Ганна Рысевец. Згодна з новым загадам аб прафілактыцы тытунекурэння, курыць забаронена не толькі ў навучальных карпусах, але і на ганку і прылеглай тэрыторыі.
Гэты дакумент стаў працягам працы па прафілактыцы тытунекурэння і прапагандзе здаровага ладу жыцця, якая праводзіцца ў беларускіх навучальных установах. Так, штогод у траўні ў рамках рэспубліканскай акцыі «Беларусь супраць тытуню», а таксама Сусветнага дня некурэння ва ўсіх установах адукацыі праводзяцца інфармацыйныя і прапагандысцкія мерапрыемствы, прысвечаныя здароваму ладу жыцця і прафілактыцы нікатынавай залежнасці. Традыцыйна, у такіх мерапрыемствах задзейнічаны як навучэнцы, так і іх бацькі і выкладчыкі, перадае БелТА.
Рэспубліканскі цэнтр гігіены, эпідэміялогіі і грамадскага здароўя сумесна з Інстытутам сацыялогіі Нацыянальнай акадэміі навук Беларусі правёў рэспубліканскае сацыялагічнае даследаванне. У выніку высветлілася, што з 2001 па 2009 год колькасць беларусаў, якія паляць, знізілася з 41,6% да 32,1%.
Па дадзеных даследавання 2009 года, 16,3% апытаных кінулі паліць. 62,4% гэтых людзей паказалі, што галоўнай прычынай адмовы ад палення для іх стала «разуменне таго, што курэнне шкодзіць здароўю».
Па дадзеных цэнтра гігіены, эпідэміялогіі і грамадскага здароўя ў Беларусі паліць больш за 50% мужчын і больш за 20% жанчын. Пры гэтым доля курцоў жанчын паступова павялічваецца: у 2001 годзе яна складала 19,7%, а ў 2009 ўжо 21,4%.
