Зброя, якая знаходзілася на борце самалёта ІЛ-76, затрыманага ў снежні 2009 года ў Тайландзе, прызначалася для баявікоў рухаў ХАМАС і "Хезбала". Такую заяву зрабіў міністр замежных спраў Ізраілю Авігдор Ліберман падчас візіту ў Японію.
Міністр назваў Паўночную Карэю, Сірыю і Іран новай «воссю зла» і заявіў, што гэтыя дзяржавы ўяўляюць самую сур’ёзную пагрозу сусветнай бяспецы, паколькі займаюцца вырабам і распаўсюдам зброі масавага паражэння, перадае Lenta.ru.
«Мы бачылі прыклад іх супрацоўніцтва ўсяго два-тры месяцы назад, калі ў Бангкоку прызямліўся паўночнакарэйскі самалёт, нагружаны велізарнай колькасцю разнастайнай зброі, якую планавалі пераправіць ХАМАСу і «Хезбале», — заявіў Авігдор Ліберман.
Як раней паведамляў Тэлеграф, самалёт Іл-76 быў затрыманы 12 снежня 2009 года пасля дагляду ў аэрапорце «Дон Мыанг» у Бангкоку, дзе прызямліўся для дазапраўкі на шляху з Пхен’яна. На яго борце, па заяве ўладаў Тайланда, былі выяўлены забароненае да вывазу з КНДР па рашэнні Рады бяспекі ААН узбраенне — пераносныя ракетныя комплексы, запчасткі да ракетаў класа зямля-паветра, сістэмы электроннага кіравання неназванымі відамі зброі. Усяго — 35 тон.
Пілотам былі прад’яўлены абвінавачанні ў нелегальнай перавозцы зброі, яе незаконным увозе ў Тайланд, а таксама недонясеннні ўладам пра наяўнасць зброі на борце. 14 лютага 2010 года экіпаж у складзе грамадзяніна Беларусі Міхаіла Петухова, а таксама грамадзянаў Казахстана Аляксандра Зрыбнева, Віктара Абдуллаева, Віталя Шумкова і Ильяса Ісакава быў вызвалены з-пад варты.
Как вам новость?
Головоломки
Выбор читателей
