У Жлобіне лекары тыдзень змагаліся за жыццё 20-гадовай дзяўчыны, скатаванай і згвалтаванай маньякам на гарадскіх могілках. Перад тым, як надоўга знепрытомнець, дзяўчына паспела назваць аператыўнікам імя ката.
Увечары 12 траўня дзяўчына выйшла прагуляцца па вуліцы са сваім знаёмым — 30-гадовым жыхаром райцэнтра. Мужчына прапанаваў абасобіцца на гарадскіх могілках, дзе пахаваны героі-камсамольцы, перадае «Комсомольская правда в Белоруссии». Разам выпілі — і мужчына, і яго сяброўка выраслі ў няшчасных сем’ях і цяпер жывуць у асацыяльным асяроддзі.
Садыст па-зверску згвалтаваў, а потым рукамі стаў рэзаць цела ахвяры ў вобласці палавых шляхоў, вырываючы вантробы. У такім стане на закінутай магіле маньяк і пакінуў дзяўчыну. Толькі на наступны дзень маньяк успомніў пра сваю знаёмую, вярнуўся на могілкі і занёс сяброўку да сябе. Тым часам, дзяўчыну пачала шукаць маці. Знайшоўшы дачку ў маньяка, забрала яе і адвяла дадому. І толькі ўвечар выклікала «хуткую дапамогу».
«Аператыўнікі адразу зразумелі, хто мог гэта зрабіць, знайшлі і затрымалі падазраванага, — паведамілі ў міліцыі. — У 2004 годзе маньяк ужо трапляў за краты за падобныя здзекі над былой жонкай. Быў асуджаны на 6,5 гадоў, але выйшаў раней па амністыі. Падзарабляў грузчыкам, з жонкай развёўся, жыў сумесна з іншай жанчынай. Абвінавачаны ва ўсім раскайваецца і дае следству сведчанні, у якіх прызнаецца ва ўчыненым».
Абвінавачаны не тлумачыць прычыны свайго ўчынку. Кажуць, маньяк не раз выказваўся, што ненавідзіць усіх жанчын і будзе іх знішчаць падобным спосабам. Мужчыну прызначаны комплекс псіхіятрычных экспертызаў. Суд можа пакараць яго пазбаўленнем волі ад 8 да 15 гадоў.
Как вам новость?
Головоломки
Выбор читателей
