У сталіцы з 26 ліпеня з мэтай паляпшэння транспартнага абслугоўвання мінчукоў па будніх днях у ранішнія гадзіны пік арганізуецца праца аўтобуснага маршруту № 80Д "Рагачоўская — ст.м. Уручча". Пра гэта распавялі ў Мінскім гарадскім выканаўчым камітэце.
Аўтобусы маршруту № 80Д будуць рухацца па вул. Герояў 120-й дывізіі, вул. Панамарова, вул. Вадалажскага, вул. Паштовай, вул. Старынаўскай, мясцовым праездзе ўздоўж пр. Незалежнасці ў прамым кірунку і па мясцовым праездзе ўздоўж пр. Незалежнасці, вул. Старынаўскай, вул. Паштовай, вул. Герояў 120-й дывізіі — у адваротным кірунку, перадае БелТА.
Акрамя таго, з 26 ліпеня з мэтай вывучэння попыту ў эксперыментальным рэжыме на два месяцы па будніх днях у гадзіны пік арганізуецца праца хуткаснага аўтобуснага маршруту № 144С «ДС Кунцаўшчына — ДС Курасоўшчына». Аўтобус будзе рухацца па вул. Кунцаўшчына, вул. Лабанка, вул. Шаранговіча, МКАД, вул. Казінца, вул. Каржанеўскага ў прамым і зваротным напрамках.
У Мінску 10-12 ліпеня змяняецца рух грамадскага транспарту ў раёне вуліцы Кіжаватава
У Мінску з 01:00 10 ліпеня да 05:00 12 ліпеня ў сувязі з капітальным рамонтам вул. Кіжаватава на ўчастку ад вул. Брылеўскай да вул. Асіповіцкай змяняецца праца грамадскага пасажырскага транспарту.
Рух тралейбусаў маршруту № 59 арганізуецца з боку вул. Даўгабродскай да разваротнага кальца вул. Чкалава ў раёне гасцініцы «Спадарожнік», а на ўчастку ад ДС Сярова да вул. Чкалава — закрываецца.
Акрамя таго, закрываюцца тралейбусныя маршруты №№ 43, 51.
З мэтай кампенсацыі знятага тралейбуснага руху арганізуюцца часовыя аўтобусныя маршруты: № 43Т «ДС Сярова — ДС Дружная» з праездам па вуліцах Асаналіева, Асіповіцкай, Кіжаватава, Вірскай, Брылеўскай, Чкалава, Маскоўскай, Талстога, Вакзальнай у абодвух напрамках; № 51Т «ДС Курасоўшчына — ДС Дружная» з праездам па вуліцах Каржанеўскага, Кіжаватава, Вірскай, Брылеўскай, Чкалава, Маскоўскай, Талстога, Вакзальнай у абодвух напрамках.
Пасажырам, якія маюць шматразовыя праязныя дакументы на праезд у тралейбусе, будзе дадзена права праезду ў часовых аўтобусных маршрутах №№ 43Т, 51T.
