Беларускі ваенны суд прызначыў дату слуханняў крымінальнай справы былога дырэктара Дэпартамента фінансавых расследаванняў Камітэта дзяржкантролю Беларусі Анатоля Грамовіча на 21 траўня. Следчую Генеральнай пракуратуры Святлану Байкову, якая расследавала дадзеную справу, могуць пратрымаць пад вартай да канца судовага разбіральніцтва.
Гэта апошняя крымінальная справа, якую расследавала Святлана Байкова, пакуль яе не арыштавала КДБ. Як паведамляе «Ежедневник», хутчэй за ўсё, менавіта падчас разгляду Беларускім ваенным судом дадзенай справы павінен вырашыцца лёс не толькі Анатоля Грамовіча, але і Святланы Байковай. Чакаецца, што менавіта суд дасць КДБ адсутных доказаў таго, што Байкова нібыта парушала закон падчас расследавання гучных крымінальных справаў.
За некалькі дзён да прызначэння даты слуханняў справы Анатоля Грамовіча КДБ перадаў генеральнаму пракурору Беларусі Рыгору Васілевічу пастанову аб падаўжэніе тэрміну расследавання справы Святланы Байковай і ўтрыманні яе пад аховай. Калі Генпракуратура адмовілася падоўжыць тэрмін расследавання і ўтрымання пад аховай, КДБ вызваліла Святлану Байкову па раней прад’яўленым абвінавачанні, але тут жа прад’явіў новае.
Як раней паведамляў Тэлеграф, акрамя Анатоля Грамовіча, абвінавачанымі па гэтай справе праходзяць генерал КДБ у адстаўцы і былы намстаршыні ведамства Анатоль Зарэцкі, а таксама іншыя высокапастаўленыя асобы, у тым ліку дзясяткі супрацоўнікаў мытні. Следчыя мерапрыемствы праводзяцца таксама ў дачыненні да ўсіх членаў следчай групы Святланы Байковай.
Арышт Святланы Байковай выклікаў вялікі рэзананс. Яна была адзінай жанчынай-следчым Генеральнай пракуратуры, была ўзнагароджана Ордэнам Пашаны. Святлана Байкова таксама вядомая сваёй цвёрдасцю і прынцыповасцю пры расследаванні карупцыйных справаў.
Как вам новость?
Головоломки
Выбор читателей
