Па дадзеных Нацыянальнага статыстычнага камітэта, у Беларусі інфляцыя ў ліпені склала 0,3%, а з пачатку цяперашняга года — 4,4%. У гадавым жа вылічэнні (да ліпеня 2009 года) рост індэксу спажывецкіх коштаў у рэспубліцы склаў 6,8% пры прагнозе абмежавання росту коштаў на гэты год у межах 8-10%.
Акрамя таго, па дадзеных Белстата, ВУП Беларусі ў першым паўгоддзі дасягнуў 83,8 трлн. рублёў і ўзрос у параўнанні са студзенем-ліпенем 2009 года на 7%.
Інвестыцыі ў асноўны капітал за справаздачны перыяд склалі 25,3 трлн. рублёў, што на 5% больш, чым за аналагічны перыяд мінулага года. У тым ліку ў будаўніча-мантажныя працы ўкладзена 12,9 трлн. рублёў інвестыцый.
У першым паўгоддзі ў Беларусі за кошт усіх крыніц фінансавання ўведзена ў эксплуатацыю 3,4 млн. квадратных метраў жытла. У тым ліку 1,4 млн. квадратных метраў жылой нерухомасці пабудавана ў малых гарадах і сельскіх населеных пунктах.
Раздробны таваразварот Беларусі ў першым паўгоддзі склаў 36,9 трлн. рублёў, што на 15% больш, чым у студзені-ліпені 2009 года. Аб’ём вонкавага гандлю таварамі дасягнуў 26 млрд. даляраў — гэта на 17,8% больш, чым у першым паўгоддзі 2009 года.
Намінальная налічаная сярэднямесячная заработная плата ў Беларусі ў параўнанні з аналагічным перыядам мінулага года ўзрасла на 15,2% і склала 1,1 млн. рублёў. Пры гэтым, па дадзеных Белстата, у эканоміцы занята 4,6 млн. чалавек. Колькасць беспрацоўных, зарэгістраваных у органах па працы, занятасці і сацыяльнай абароне на канец справаздачнага перыяду склала 37,8 тыс. чалавек, гэта значыць 0,8% эканамічна актыўнага насельніцтва Беларусі.
