У Мінску можа з'явіцца некалькі незвычайных садоў. Кароны дрэў у іх, па задумцы сталічных азеляніцеляў, будуць мець незвычайныя формы. Дадзены праект распрацоўваецца вучонымі Цэнтральнага батанічнага саду (ЦБС) Нацыянальнай акадэміі навук Беларусі сумесна са спецыялістамі УП "Мінскзелянбуд". У цяперашні час гарадскія ўлады вызначаюць тэрыторыю, на якой размесцяцца будучыя сады.
Як распавёў загадчык лабараторыі інтрадукцыі драўняных раслін ЦБС Ігар Гарановіч, у калектыва батанічнага саду ўжо ёсць досвед падобнай працы, перадае агенцтва «Мінск-Навіны«.
Ігар Гарановіч распавёў, што ў планах спецыялістаў — стварэнне сірынгарыя (саду бэзу), саду хвойных раслін з туямі, ядлоўцам, лістоўніцамі, сад бесперапыннага цвіцення, дзе з красавіка па верасень адна за другой будуць распускацца расліны.
«Чацверты, найбольш экзатычны — сад прышчэпленых формаў. Гэта, напрыклад, Ніцыя яблыні, шарападобныя клёны. Такія фігурныя дрэвы ў Мінску сустракаюцца, але сквера або парку, дзе былі б шырока прадстаўлены іх разнавіднасці, няма», — адзначыў супрацоўнік батанічнага саду.
