Па выніках правядзення міністэрствам здароўя Беларусі маніторынгу ў этыялагічнай структуры вострых рэспіраторных інфекцый у 96,2% з ліку станоўчых вынікаў даследаванага біялагічнага матэрыялу пераважаюць негрыпозныя рэспіраторныя вірусы.
Так, на долю рэспіраторна-сінтыцыяльных вірусаў прыпадае 30,2%, адэнавірусаў — 17%, вірусаў парагрыпу — 17%, змешаных інфекцый -31%. Яшчэ ў 1% — мікаплазма пнеўманіі, а ў 3,8% узораў выяўленыя вірусы грыпу В.
У цэлым жа, як адзначылі ў міністэрстве аховы здароўя, у Беларусі актыўнасць эпідэмічнага працэсу вострых рэспіраторных інфекцый знаходзіцца на нізкім узроўні.
У Міністэрстве аховы здароўя таксама паведамілі, што ў цяперашні час эпідэмічная сітуацыя па грыпе складаецца паводле раней дадзенага прагнозу: эпідэмію грыпу ў краіне можна чакаць у канцы студзеня — пачатку лютага.
«Пад пастаянным кантролем міністэрства аховы здароўя і мясцовых органаў аховы здароўя знаходзіцца аналіз эпідэмічнай сітуацыі па ВРІ, арганізацыя мерапрыемстваў, накіраваных на зніжэнне захворвання ВРІ (забяспечанасць неабходнай колькасцю лекавых сродкаў і вырабаў медыцынскага прызначэння для лячэння ВРІ, кадрамі, захаванне санітарна-гігіенічных патрабаванняў да мікраклімату памяшканняў; забеспячэнне ранняга выяўлення і своечасовага адхілення з калектыву пацыентаў з ВРІ ва ўстановах адукацыі і інш », — дадалі ў ведамстве.
