Стары Ольса, Irdorath, Vuraj, Lity Taler зайграюць канцэрт у клубе Re:Public увечары пятніцы. Прыйсці на канцэрт можа кожны ахвотны, квіткі набываць не трэба.
“У нас ужо склалася добрая традыцыя шпацыраў па горадзе з інструментамі па нядзелях. Цяпер хочацца зайграць сапраўдны канцэрт, падтрымаць настрой нашых слухачоў, аб’яднаць ды падбадзёрыць публіку», — кажа лідар гурта «Стары Ольса» Зміцер Сасноўскі.
Фолк-фэст працягне серыю бясплатных канцэртаў беларускіх музыкаў для жыхароў горада, распачатую ў мінулую пятніцу канцэртам Лявона Вольскага.
Пры жаданні, канцэрт можна падтрымаць: https://www.donationalerts.com/r/nasdzien або paypal Tradycyja.by@gmail.com. Данаты пойдуць на пакрыццё выдаткаў на гук, святло, персанал; калі збярэцца больш, частка пойдзе музыкам, частка — калегам па творчым цэху, якім стала складаней ў цяперашняй сітуацыі.
11 верасня, 18.30
Re:Public (Прытыцкага, 62)
Уваход вольны
Уся актуальная інфармацыя і інфалінія: https://t.me/nashdzien
