Супрацоўнікаў дзіцячага садка № 73 у Горадні, якія адмаўляліся падпісвацца ў падтрымку вылучэння кандыдатам у прэзідэнты цяперашняга кіраўніка дзяржавы Аляксандра Лукашэнкі, прымушаюць даваць тлумачэнні ў пісьмовым выглядзе. Незалежныя назіральнікі ў Горадні лічаць такі адміністрацыйны ціск парушэннем выбарчага заканадаўства.
Акрамя таго, члены ініцыятывы «Праваабаронцы за свабодныя выбары» паведамілі, што ў дамах на вуліцы Церашковай у Горадні члены ініцыятыўнай групы Аляксандра Лукашэнкі хадзілі з ужо запоўненымі надрукаванымі падпіснымі лістамі.
Калі жыхары, унесеныя ў спісы, адмаўляліся падпісвацца за кандыдатуру дзейнага прэзідэнта, насупраць іх прозвішча зборшчык подпісаў ставіў пазнаку «адмова».
Как вам новость?
Головоломки
