Паблізу вёскі Прылессе Мінскага раёна супрацоўнікі міліцыі выявілі прысыпанае снегам цела 27-гадовай мінчанкі з пашкоджаннямі твару і рук жывёламі. Па дадзеным факце следчы аддзел папярэдняга расследавання Мінскага РУУС 30 снежня ўзбудзіў крымінальную справу па ч. 3 арт. 147 КК Беларусі (наўмыснае прычыненне цяжкага цялеснага пашкоджання, якое выклікала смерць).
Як паведамілі ў аддзяленні інфармацыі і грамадскіх сувязяў УУС Мінскага аблвыканкама, у лістападзе ў доме жыхара вёскі Прылессе мінчанку збілі пяць чалавек: жыхаркі Бярэзінскага, Барысаўскага і Смалявіцкага раёнаў, а таксама раней судзімыя жыхары Мінску і Пухавіцкага раёна. Малодшай саўдзельніцай забойства — 26 гадоў.
У выніку збіцця жанчына сканала на месцы. Каля двух тыдняў яе цела праляжала ў хляве, пакуль яго не выкінулі ў поле.
